Tanda Enbek platformasynda «IteachMe» qoǵamdyq qorymen birlesip «Eńbek resýrstaryn damytý ortalyǵy» AQ uıymdastyrǵan múgedektigi bar adamdarǵa arnalǵan bos jumys oryndarynyń respýblıkalyq onlaın-jármeńkesi bastaldy, dep habarlaıdy aqshamnews.kz.
Jármeńkege qatysýǵa túrli óńirlerden 64 jumys berýshi ótinim berdi, olar portalda 498 bos jumys ornyn, óz kásiporyndary týraly aqparatty, sondaı-aq kandıdattardy izdeıtin mamandyqtardy ornalastyrdy.
Onlaın-bos jumys oryndar jármeńkesi barysynda ózderine jumyskerler tabýǵa sheshim qabyldaǵan jumys berýshilerdiń arasynda «Úlbi metalýrgıa zaýyty» AQ (metalýrgıa), «Bolat Nurjanov atyndaǵy Ekibastuz GRES-1» JSHS (elektr energıasyn óndirý), «Qazaqstan Halyq Banki» AQ Almaty qalalyq fılıaly (qarjy-bank qyzmeti), «EIKOS» JSHS (avtomobıl shınalaryn, dıskilerdi jáne ilespe aksesýarlardy satý) jáne taǵy basqalar.
Onlaın jármeńke 18 qazan kúni saǵat 20.00-ge deıin jalǵasady. Oǵan qatysý úshin ótinish berýshiler jármeńke betine https://tanda.enbek.kz/ru/fairs/74 silteme arqyly kirip, tirkeýden ótip, jeke kabınette ózekti túıindeme daıyndaý qajet.
«Bos oryndar jármeńkesiniń bul formaty eki jaqqa da óte yńǵaıly. Jumys izdeýshiler qol jetimdi bos jumys oryndaryn tez kóre alady, túıindemelerin áleýetti jumys berýshilerge jibere alady, birden birneshe uıymdardaǵy jumys jaǵdaılaryn baǵalaı alady, HR-menedjerlermen sóılese alady, belgili bir laýazymǵa qajetti biliktilik daǵdylaryn anyqtaı alady jáne suhbattasýǵa shaqyrýlar ala alady. Jumys berýshilerge onlaın-jármeńkege qatysý sonymen qatar birneshe úmitkerdiń kandıdatýralaryn qaraýǵa, ózin jáne qajettilikterin jarıalaýǵa, óz qyzmetiniń mańyzdy aspektilerin túsindirýge jáne eń qolaıly úmitkerlerdiń jeke bazasyn qurýǵa múmkindik beredi», – dep bólisti ERDO prezıdenti Dáýlet Arǵyndyqov.
Esterińizge sala keteıik, Tanda Enbek platformasy iske qosylǵan sátten bastap barlyǵy 54 onlaın-bos oryndar jármeńkesi ótkizildi.