Oǵan dálel - 2021 jyly densaýlyq saqtaý salasynda 71 jemqorlyq faktisi tirkelgen.
Vedomstvonyń keńeıtilgen alqa otyrysynda mınıstr Ajar Ǵınıat osyndaı derek keltirdi, dep habarlaıdy Almaty-akshamy.kz QazAqparatqa silteme jasap.
«Memleket basshysy «SQ-Farmasıa» bazasynda medısınalyq tehnıkany ortalyqtandyrylǵan satyp alýǵa kóshýdi tapsyrdy. Osyǵan baılanysty óńirlerdiń qajettiligine taldaý júrgizilip, normatıvtik baza men aqparattyq júıeler pysyqtalady. Budan ári qarjylandyrý kózderin aıqyndaı otyryp, 2025 jylǵa deıingi basym baǵyttar boıynsha medısınalyq tehnıkamen jaraqtandyrý baǵdarlamasy bekitiledi», - dedi vedomstvo basshysy.
Onyń sózine qaraǵanda, sybaılas jemqorlyqqa qarsy qyzmettiń tekserýleri medısınalyq jabdyqtardy satyp alý vedomstvodaǵy búdjet qarajatyn jymqyrýdyń negizgi kózderiniń biri ekenin kórsetken.
«Jalpy, 2021 jyly 71 qylmystyq quqyq buzý faktisi anyqtaldy. Sondaı-aq, medısınalyq qospalardy tóleýge bólingen búdjet qarajatynyń maqsatsyz jumsalǵany baıqalady. Monıtorıńtik toptardyń jumysynda zańsyzdyqtar anyqtaldy. Vaksınalaýdyń jalǵan elektrondyq pasporttaryn berý faktileri tirkelgenin bilesizder. Ondaı sanattaǵy zańsyzdyqtar, ásirese, Nur-Sultan jáne Almaty qalalarynda, Túrkistan, Almaty, Aqmola jáne Qostanaı oblystarynda jıi tirkeldi. Salada sybaılas jemqorlyq kórinisterimen ymyrasyz kúres saıasaty jalǵasatynyn aıtqym keledi», - dedi mınıstr.