770 tekshe metrge az sý jınalǵan.
Bıyl qazaqstandyq fermerler sýdyń jetispeýshiliginen qıyndyqqa tap bolýy múmkin. Syrdarıa ózeniniń jaǵdaıy alańdaýshylyq týdyryp otyr. Bul týraly Ekologıa, geologıa jáne tabıǵı resýrstar vıse-mınıstri Serik Qojanıazov aıtty, dep habarlaıdy Almaty-akshamy.kz Inbusiness.kz silteme jasap.
«Syrdarıa ózeni baseıni erekshe alańdaýshylyq týdyrýda. Aldyn ala esepter boıynsha, bıyl vegetasıaaralyq kezeńde Shardara sý qoımasynda sý aǵyny eń tómen deńgeıde bolady dep josparlanyp otyr. Biz qoımany sýǵa toltyrý kezinde qıyndyqqa tap bolamyz. Sondyqtan ózenniń tómengi aǵysyna sý tógýge shekteý qoıdyq. Vegetasıaaralyq kezeń bastalǵannan beri Syrdarıanyń tómengi aǵysyna 2 mlrd-tan asa tekshe metr sý kelgen joq», - dedi Serik Qojanıazov.
Onyń aıtýynsha, búginde Shardara sý qoımasyndaǵy Kóksaraı kontrrettegishi ótken jylmen salystyrǵanda 770 tekshe metrge az sý jınaǵan.
«Bul jaǵdaıdy eskersek, QQSD kelisilgen boljamǵa sáıkes, sý qoımasyn toltyrý óte qıyn bolady. Saldarynan Túrkistan jáne Qyzylorda oblystarynyń fermerlerin sýmen qamtamasyz etýde másele týyndaýy múmkin, sondaı-aq Aral óńirindegi ekologıalyq jaǵdaıdyń kúrdelenýi yqtımal», - dedi vıse-mınıstr.