Densaýlyq saqtaý mınıstrligi vaksınalardyń saqtalýyn baqylaýdy kúsheıtti, dep habarlaıdy almaty-akshamy.kz mınıstrliktiń baspasóz qyzmetine silteme jasap.
Elimizdiń Prezıdenti Qasym-Jomart Toqaev 2021 jylǵy 19 shildedegi eldegi epıdemıologıalyq jaǵdaı jónindegi keńeste Qazaqstannyń keıbir óńirlerinde koronavırýsqa qarsy vaksına durys saqtalmaǵan dep atap aıtty.
«Óńirlerdiń bári birdeı bul jumysty tıisti deńgeıde uıymdastyrmaıdy. Vaksınalardy saqtaýdyń temperatýralyq rejımin buzýdyń kóptegen faktileri egý pýnktteriniń shamamen 30%-da anyqtaldy» – dedi Memleket basshysy.
Bul aqparatty 2021 jylǵy 23 shildedegi brıfıńte Qazaqstan Respýblıkasy Densaýlyq saqtaý mınıstrliginiń ókilderi rastady.
Esterińizge sala keteıik, aǵymdaǵy jylǵy aqpanda COVID-19 koronavırýstyq ınfeksıasyna qarsy vaksınasıalaý bastalǵan kezde elimizde 200-den astam egý pýnkti jumys istedi, aǵymdaǵy jylǵy 23 shildedegi jaǵdaı boıynsha 2300-den astam pýnkt jumyldyryldy.
Bastapqyda sanıtarıalyq-epıdemıologıalyq qyzmet vaksınasıa prosesi bastalǵanǵa deıin egý pýnktteriniń ashylýyna baılanysty tekserýler júrgizdi. Sondaı-aq, vaksınasıalaý kezinde sanıtarıalyq qaǵıdalar talaptarynyń saqtalýyna, onyń ishinde salqyn tizbektiń saqtalýyna monıtorıń jasalady.
Negizinen, árbir úshinshi egý pýnktinde (shamamen 30%) jumysqa ruqsat alǵanǵa deıin sanıtarıalyq qaǵıdalar talaptarynyń buzylatyny anyqtaldy. Buzýshylyqtar joıylǵanǵa deıin osy egý pýnktterin paıdalanýǵa ruqsat etilgen joq.
Vaksınalardy saqtaý jáne tasymaldaý kezinde «salqyn tizbek» talaptaryn saqtaý halyqqa profılaktıkalyq egýdi júrgizý kezinde mańyzdy shart bolyp tabylady. Barlyq uıymdastyrýshylyq jáne praktıkalyq is-sharalar vaksınalardy saqtaýdyń ońtaıly temperatýralyq jaǵdaılaryn saqtaýǵa baǵyttalýy tıis.
Sanıtarıalyq-epıdemıologıalyq qyzmet qoldanystaǵy egý pýnktterinde salqyn tizbektiń, vaksınalaýdy uıymdastyrý jáne júrgizý qaǵıdalarynyń, onyń ishinde temperatýralyq rejımniń saqtalýyna turaqty negizde monıtorıń júrgizedi.
Vaksınany saqtaýdyń temperatýralyq rejımin saqtaý – vaksınalaý tıimdiliginiń kepili. Densaýlyq saqtaý mınıstrligi Memleket basshysynyń tapsyrmasyn erekshe baqylaýǵa alyp otyr.
Derekkóz – Qazaqstan Respýblıkasy Densaýlyq saqtaý mınıstrligi @ Kóshirý kezinde derekkóz siltemesin paıdalanyńyz.