Jambyl oblysynda 5 aýdannyń turǵyndary spırttik ónimderden túbegeıli bas tartty. Igi isti 12 aýyldyń turǵyndary qoldaǵan. 126 dúkenniń ıesi alkogól ónimderin satý jónindegi lısenzıalaryn oblystyq kirister basqarmasyna erikti túrde ótkizdi, dep habarlaıdy almaty-akshamy.kz 24 kz silteme jasap.
Aýyl turǵyndary salaýatty ómir saltyna birjola den qoımaq. Ásirese, bul bastamany Qyzylqum aýdanyndaǵy Qumózek selosy turǵyndary belsendi jalǵastyrýda.
Aýylda araq-sharapsyz dúken ashylǵan. Aıta keteıik, aksıany sybaılas jemqorlyqqa qarsy agenttiktiń oblystyq departamenti usynǵan.
Eldi meken turǵyndary bul bastamany ózge aýyldarǵa estafeta retinde joldap, ózgelerdiń de qoldaıtynyna senimdi.
Ravıl Tólebaev, QR SJQİQ Agenttiginiń Jambyl oblysy boıynsha departament basshysynyń birinshi orynbasary:
- İshimdik saýdasynan bas tartýdy aldymen qarıalar qoldady. Ári qaraı jastar jalǵastyryp jatyr. Bul olarǵa úlgi boldy. Bir jaǵynan, aýylda spırttik ishimdik bolmasa, qylmys sany azaıady dep úmittenemiz. Jyl aıaǵyna deıin jaǵdaıdy baqylyp, monıtorıń júrgizemiz.