Osyǵan baılanysty Qazaqstan Respýblıkasynyń áýejaılarynda, vokzaldarynda jáne avtomobıl pýnktterinde pıramıdalar elinen keletinderdi baqylaý kúsheıtildi.
2023 jylǵy 16 shildede BAQ-ta jarıalanǵan Mysyr Densaýlyq saqtaý jáne el turǵyndary mınıstrliginiń aqparaty boıynsha, elde belgileri denge bezgegine uqsas belgisiz aýrý tirkelgen, dep habarlaıdy Almaty-akshamy.kz Zakon.kz-ke silteme jasap.
«Elge kirgen kezde áýejaıda, temirjol vokzaldarynda jáne avtomobıl pýnktterinde sanıtarıalyq-karantındik pýnktte naýqastardy ýaqtyly anyqtaý jáne medısınalyq kómek kórsetý maqsatynda dene temperatýrasyn qashyqtan ólsheý arqyly kelgenderge monıtorıń júrgiziledi», - delingen QR DSM Sanıtarıalyq-epıdemıologıalyq baqylaý komıtetiniń habarlamasynda.
Sanıtarıalyq-epıdemıologıalyq baqylaý komıtetiniń málimetinshe, Qazaqstanda jyl saıyn aýrýdyń jekelegen jaǵdaılary tirkeledi. Aǵymdaǵy jyly denge bezgegi boıynsha qolaısyz elderden (Taıland) kelgen adamdar arasynda onyń 2 jaǵdaıy tirkeldi.