Kartınanyń premerasy osy jyldyń kúzine josparlanǵan.
«Qara qyz» fılminiń tızeri shyqty, dep habarlaıdy Almatya-akshamy.kz.
"Báıterek prodakshn SHB" JSHS-i tanymal otandyq rejıser Talǵat Temenovtyń ("Mahabbat beketi") jańa jobasy - "Qara qyz" fılminiń tızerin usynady.
Áskerı drama Ekinshi dúnıejúzilik soǵys kezindegi sarbazdarymyzdyń erligi men batyldyǵy jáne qazaq qyzdarynyń qaısarlyǵy týraly baıandaıdy.
Basty rólderdi jas akterler Nuraı Saqtapova men Erlan Qulmurzın somdap shyqqan. Nuraı úshin bul kınodaǵy debúttik ról bolsa, al Erlan kóptegen telehıkaıalardan belgili akter.
Sondaı-aq, fılmde tanymal akterler Dýlyǵa Aqmolda, Medgat Ýmıralıev jáne basqalar túsken. Kartınanyń túsirilimi ótken jyly Soltústik Qazaqstan oblysynyń aýmaǵynda, Petropavl qalasynyń mańynda, sondaı-aq Almaty oblysynyń Aqshı aýylynda ótti.
Fılmniń saýndtregi "Qaraǵym-aı" kompozısıasy bolady, ony fılm úshin arnaıy Dımash Qudaıbergen oryndaıdy.
Fılm QR Mádenıet jáne sport mınıstrliginiń tapsyrysy boıynsha Ulttyq kınony qoldaý memlekettik ortalyǵynyń kómegimen óndiriske engizildi. Fılmniń búdjeti 547 mln 636 myń teńgeni quraıdy.