Almaty qalasynyń bilim basqarmasy qoǵamdyq keńes múshelerimen birlesip barlyq balalar lageriniń jumysyn tekserdi. Atap aıtqanda, balalarǵa jasalǵan jaǵdaı, olardyń kelý baǵdarlamasy jáne t.b. Ári jazǵy kezeńde balalar demalysyn uıymdastyrý máselesi boıynsha mamandandyrylǵan balalar mekemeleriniń kýratorlarymen birge jumys kúsheıtildi.
Almatyda demalys kezinde kópbalaly jáne az qamtylǵan otbasylardan shyqqan 3000-ǵa jýyq bala, ata-anasynyń qamqorlyǵynsyz qalǵan 100 bala, sonymen qatar, erekshe bilim berý qajettiligi bar balalardy qala syrtyndaǵy lagerlerge demalýǵa jiberý josparlanýda.
Aıta keterligi, tıisti talapqa saı emes eki lagerdegi jaǵdaıǵa baılanysty bilim basqarmasy barlyq balany basqa eki lagerge kezeń-kezeńimen jiberý týraly sheshim qabyldady. Osylaısha, «Bel Rıchı» JSHS-ne («Arman dala» lageri) qatysty qyzmet kórsetý shartyn buzý týraly sheshim qabyldandy, jaýapsyz qyzmet kórsetýshi dep taný týraly talap aryz berildi. Aqsha tólenbedi.
Buǵan qosa, qalalyq bilim basqarmasynyń qyzmetkerleri «Taý samaly» lagerine («Aısulý jáne T» JSHS) balalardy kirgizbeý týraly sheshim qabyldady. Lagerge joldyń qashyqtyǵyn jáne balalardyń erekshe bilim berý qajettiligin eskere otyryp, olar Qaskeleń qalasyndaǵy jeke mektepte ýaqytsha ornalastyryldy. Balalardyń qaýipsizdigin qamtamasyz etý úshin medısınalyq qyzmetkerler táýlik boıy kezekshilik etedi. «Januıa» mamandandyrylǵan kesheniniń tárbıelenýshileri osy mektepte bolǵan kezeńde olarǵa alty ret tamaqtandyrý, mádenı is-sharalar jáne t.b. uıymdastyryldy. Aıta keteıik, buǵan deıin maýsym – shilde aıynyń basynda «Januıa» MK tárbıelenýshileri «Órnek», «Iýnyı domostroıtel» qala mańyndaǵy lagerlerde, Alakól kólinde demalǵan bolatyn.
Qazirgi tańdv Almaty qalasynyń bilim basqarmasy balalardyń jazǵy demalysyn uıymdastyrý boıynsha shartta belgilengen mindettemelerdiń sapasyz oryndalýyna baılanysty «Aısulý jáne T» JSHS-ne shartty buzý týraly eskertý jiberdi.
Bıyl 19 shildede Almaty ákimdigi BAQ ókilderi úshin balalar lagerleri boıynsha baspasóz týryn uıymdastyrady.