Densaýlyq saqtaý mınıstri Ajar Ǵınıat Qaraǵandyǵa jumys sapary barysynda oblystyq klınıkalyq aýrýhananyń ınfeksıalyq ortalyǵyna baryp, zardap shekken balalarǵa medısınalyq kómek barysymen tanysty, dep habarlaıdy Almaty-akshamy.kz mınıstrliktiń baspasóz qyzmetine silteme jasap.
«Qaraǵandy oblysynyń arnaýly áleýmettik qyzmet kórsetý ortalyǵynan túsken 14 balanyń 5-i búginde em alýda. Balalarda oń dınamıka baıqalady, esteri anyq, erte ońalyp keledi», - dep jazylǵan mınıstrlik habarlamasynda.
Óz sózinde mınıstr jas pasıentterdiń densaýlyǵy jaqsaryp kele jatqanyn aıtty. Balalardy emdeý tásilin respýblıkalyq mamandar únemi baqylaıdy.
Densaýlyq saqtaý mınıstrligi zardap shekken balalardyń jaǵdaıyna jáne olarǵa medısınalyq kómek kórsetýge turaqty monıtorıń júrgizedi.
Eske salsaq, 30 shildede Qaraǵandy oblysynyń balalarǵa arnaýly áleýmettik qyzmet kórsetý ortalyǵynda birneshe bala ýlanyp, onyń bireýi qaıtys boldy.
Altaýy jansaqtaý bólimine jetkizildi.
Tamyz aıynyń basynda tergeý aıaqtalǵanǵa deıin ortalyq dırektorynyń mindetin atqarýshy jáne osy ortalyqtyń 12 medısına qyzmetkeri jumystan shettetildi.
Keıinnen balalar tamaqtan ýlanbaǵan bolyp shyqty.
28 tamyzda ýlanǵan balalardyń taǵy bireýi aýrýhanada kóz jumdy.