Syrtqy ister mınıstrliginiń ókilderi qytaılyq Úrimshidegi konsýldyqta qazaqstandyq vızalar satylyp jatyr degen qaýesetke qatysty pikir bildirdi, - dep habarlaıdy Almaty-akshamy.kz Tengritravel.kz-ke silteme jasap.
Jýrnalıser SİM ókilinen Úrimshidegi qazaqstandyq konsýldyqta vıza alý úshin kezek oryndary deldaldardyń kómegimen satylyp jatyr degen málimetke qatysty pikir bildirýin surady.
"Másele aılyqta emes. Karantındik shekteýler aıaqtalǵan soń Qytaımen shekaramyz ashyldy jáne azamattardyń aǵyny eselenip kóbeıdi. Sondaı-aq Qazaqstandy kórgisi keletin etnıkalyq qazaqtardyń da sany kóbeıdi. Olar etnıkalyq qazaq bolǵanymen, Qytaı azamaty ekenin umytpaý kerek, ıaǵnı olarǵa vızasyz eki aptaǵa Qazaqstanǵa kelýge ruqsat etilgen. Alaıda olar Úrimshidegi konsýldyqqa baryp vıza alǵysy keledi. Adam sany óte kóp. Al bizdiń konsýldyqta mamandar az, ondaıǵa eseptelmegen", - dedi Aıbek Smadıarov.
SİM ókiliniń aıtýynsha, etnıkalyq qazaqtardyń kómegimen elektrondy kezek qurylǵan, oǵan konsýldyq qyzmetkerleriniń esh qatysy joq.
"Onda kezek avtomatty túrde onlaın-rejımde shyǵady, barlyǵy kóre alady", - dedi ol.