Vedomstvo basshysy aldymen densaýlyq saqtaý salasynyń mańyzdy jetistikterine toqtaldy.
Bul rette ol qazaqstandyqtardyń ortasha ómir súrý uzaqtyǵy artqanyn atap ótti. Tarıhta alǵash ret bul kórsetkish 74,4 jasty qurady, dep habarlaıdy Almaty-akshamy.kz.
«Memleket basshysynyń qoldaýymen ulttyq joba iske asyrylýda, 600-den astam medısınalyq nysan salynýda, kadrlar daıarlanýda jáne zamanaýı tehnologıalar engizilip jatyr. Bul, árıne, aýyldy damytýǵa jáne jandandyrýǵa zor úles qosatyny sózsiz», - dedi Ajar Ǵınıat.
Mınıstr aýyldaǵy medısına qyzmetkerleriniń úlken eńbegin erekshe atap ótti, sondaı-aq ambýlatorıalyq-emhanalyq júıedegi áriptesterdiń mańyzdy rólin atap ótti. Olardyń kúndelikti qajyrly eńbeginiń arqasynda halyq dári-dármekpen qamtamasyz etiledi, profılaktıkalyq tekserýler júrgiziledi, pasıentter odan ári emdeý úshin qajetti konsýltasıalar men qoldaý alady.
A. Ǵınıat myńdaǵan bala men ananyń ómirin saqtap qalǵan ana men bala densaýlyǵyn saqtaý qyzmetiniń jumysyna joǵary baǵa berdi.
«Búgin biz, qurmetti áriptester, Memleket basshysynyń maqsattaryn iske asyrýǵa jáne azamattarymyzdyń ómiri jaqsy, sapaly jáne uzaq bolýy úshin tikeleı jaýaptymyz.
Dáriger nemese densaýlyq saqtaý mamany bolý – maqtanysh pen abyroı! Halqymyzdyń, elimizdiń maqtanyshy bolaıyq!
Halyqtyń densaýlyǵyn saqtaýǵa qosqan baǵa jetpes úlesi úshin barlyq medısına qyzmetkerleri men sala ardagerlerine shyn júrekten alǵys bildiremin», - dedi DSM basshysy.