Qorǵaýshy ekeýin de aqtaýdy surady.
Búgin Qazaqstan Respýblıkasynyń Joǵarǵy Soty mánerlep syrǵanaýshy Denıs Tenniń ólimine kináli dep tanylǵan Arman Qudaıbergenov pen Nuraly Qıasovtyń kasasıalyq shaǵymyn qarady, dep habarlaıdy aqshamnews.kz.
"Sýdıalar isti kasasıalyq qaraýǵa berýden bas tartty", — dedi Joǵarǵy Sot sýdıasy.
Osylaısha, Joǵarǵy Sot isti kasasıalyq alqanyń qaraýyna qabyldaý úshin sottyń nemese tergeýdiń jumysynda zań buzýshylyqtar men ózge de negizderdi tapqan joq.
2019 jyldyń 14 qańtarynda qazaqstandyq mánerlep syrǵanaýshy Denıs Tendi óltirdi dep aıyptalǵan Nuraly Qıasov jasaǵan qylmysyn moıyndady. Qıasovtan bólek bul iske Arman Qudaıbergenov pen Janar Tolybaeva da qatysty.
2019 jyldyń 17 qańtarynda Almatynyń qylmystyq ister jónindegi mamandandyrylǵan aýdanaralyq sotynda Denıs Tenniń ólimine qatysty is boıynsha úkim shyqty. Nuraly Qıasov ózine taǵylǵan qylmystar boıynsha kináli dep tanylyp, 18 jylǵa bas bostandyǵynan aıyryldy. Arman Qudaıbergenov 18 jylǵa bas bostandyǵynan aıyryldy. Janar Tolybaeva kináli dep tanylyp, 4 jylǵa bas bostandyǵynan aıyryldy.
Qazaqstandyq mánerlep syrǵanaýshy Denıs Ten 25 jasynda kóliginiń aınasyn urlamaq bolǵan kólik urylarymen tóbelesip, kóp qan joǵaltyp qaıtys bolǵan.