Mádenıet jáne aqparat mınıstrligi, Ulttyq kıno ortalyǵynyń qoldaýymen túsirilgen «Baýyryna salý» fılmi Ázirbaıjan astanasy – Bakýde marapat bıiginen kórindi. Fılm «Baku International Film Festival 2024» festıvalinde bas júlde aldy.
Festıválde qazylar alqasynyń tóraǵasy, «Altyn globýs» syılyǵynyń ıegeri Sıddık Baıram qazaqstandyq fılmdi joǵary baǵalaǵan.
«Baýyryna salý» fılmin Ortalyq Azıadaǵy mazmundy fılmniń biri dep aıta alamyn. Munda ulttyq dástúrdiń kóleńkeli tusy, bala janynyń názik psıhologıasy ashyp kórsetilgen. Qarapaıym aýyldyń qońyr tirligin baıandaıtyn fılm aldaǵy ýaqytta da shyńdy baǵyndyrady dep senemiz!», – dedi aýǵan rejıseri Sıddık Baıram.
Atalǵan fılmdi rejıser Asqat Kýchıncherekov túsirgen. Kartına Qazaqstan kınematografıster alánsy músheleriniń daýys berý qorytyndysy boıynsha «Tulpar» ulttyq syılyǵynyń eń joǵary nagradasyna ıe boldy. Sondaı-aq, jaqynda elimizdi halyqaralyq arenada tanystyrý úshin Oskar komıtetine usynyldy.