Mánerlep syrǵanaýdan «Challenger» básekesiniń VII kezeńi Nur-Sultan qalasynda 28-31 qazan aralyǵyna josparlanǵan.
Elordada mánerlep syrǵanaýdan álemdik «Denis Ten Memorial Challenge» dodasy ótedi, dep habarlaıdy Almaty-akshamy.kz Ulttyq Olımpıada komıtetine silteme jasap.
«Barys Arenada» ótetin jarysqa 20 elden 100-den astam sportshy qatysady. Qatysýshylar arasynda álem chempıonatynyń júldegerlerimen qatar, 2022 jylǵy Olımpıada oıyndarynda baq synaıtyn sport sheberleri bas qosady. Halyqaralyq kónkıshiler odaǵynyń (ISU) aıasynda atalǵan jarys ekinshi ret uıymdastyrylmaqshy.