Jańa múmkindikter
Dubai EXPO-2020 jahandyq ıdeıalar alańyna aınalyp jatyr, dep habarlaıdy Almaty-akshamy.kz. Qazaqtv.com saıtyna silteme jasap.
Dýbaıdaǵy EKSPO kórmesindegi Qazaqstan pavılony kelýshilerdi robot pen adamnyń oryndaýyndaǵy bımen qarsy alady.
Bul – tehnologıa men adamnyń bir-birin tolyqtyryp turatyn jańa zaman kórinisi. Ekeýi de ǵalamsharǵa zıanyn tıgizbeýi kerek. Kerisinshe, múmkindikterin biriktire otyryp, qorshaǵan ortany saqtap qala alady.
Bıshi Marıa Volodares zalda otyrǵandardyń árqaısysyna ǵalamshardyń tazalyǵyna ár jan jaýapty degendi bı tilimen jetkizedi.
«Biz osydan 10 jyl buryn ne bolatynyn elestete almadyq. Sol sıaqty 100 jyldan keıin adamdar jasandy aqylmen jumys isteýi múmkin. Bul qandaı da bir sıqyr dep oılamaý kerek. Bári de múmkin», - dedi bıshi Marıa Volodares.
Pavılonǵa kirgen ár adam qazaq dalasynyń salqyn samalyn sezinedi. Bul Dýbaıdyń 40 gradýs shyjyǵan aptabynda erekshe áser syılary anyq.
Odan keıin jýsan ıisin jutyp, qazaqtyń qara dombyrasynyń qońyr únin tyńdap, shynymen sheksiz dalada júrgendeı sezinedi. Kelýshiler Qazaqstannyń florasy men faýnasy týraly, ǵajap tabıǵaty men demalys aımaqtary jaıly aqparat ala alady.