Egov elektrondyq úkimettiń saıty men mobıldi qosymsha ýaqytsha jumys istemeıdi, dep habarlaıdy aqshamnews.kz.
«Tehnıkalyq jumys 2025 jylǵy 19 shildede saǵat 02:00-den 08:00-ge deıin júrgiziledi. Ýaqyt aralyǵy paıdalanýshylar belsendiligi eń tómen kezeńge sáıkes tańdaldy, bul múmkin qolaısyzdyqtardy azaıtý úshin jasaldy», – delingen habarlamada.
Atalǵan kezeńde kelesi sıfrlyq resýrstar men júıeler de jumys istemeıdi:
- eGov.kz portaly men eGov mobile qosymshasy (onyń ishinde «Sıfrlyq qujattar» servısi);
- e-Otinish, E-license portaldary jáne Ashyq úkimettiń barlyq platformasy;
- Ulttyq kýálandyrýshy ortalyq (UKO) qyzmetteri;
- Elektrondyq úkimet shlúzine qosylǵan bankter men basqa da júıelerdegi memlekettik qyzmet kórsetý servısteri.
Kompanıa ókilderi bul jumystardyń maqsaty – «UAT» AQ súıemeldeıtin búkil sıfrlyq ekojúıeniń turaqtylyǵy men senimdiligin arttyrý. Qajetti operasıalardy aldyn ala aıaqtaýǵa jáne qajet jaǵdaıda túpnusqa qujattardy daıyndap qoıýǵa keńes berildi.