Sınoptıkter aldaǵy kúnderge arnalǵan aýa raıy boljamyn jarıalady, - dep habarlaıdy almaty-akshamy.kz.
Demalys kúnderi Qazaqstan aýmaǵynyń basym bóliginde jańbyr jaýyp, kún kúrkireıdi. Qatty jel soǵyp, arty burshaqqa aınalýy múmkin. Aýa raıyna Novosıbırsk aýmaǵynan engen sıklon áser etedi. Sondyqtan eldiń soltústiginde, shyǵysynda, ońtústik-shyǵysynda jáne ortalyǵynda qatty jańbyr jaýady.
"Respýblıkanyń soltústiginde, shyǵysynda jáne ortalyǵynda kúndizgi temperatýra +20+28 gradýs, ońtústik-shyǵysynda +25+33 gradýs bolady, biraq eldiń batysy men ońtústiginde +33+40 gradýsqa deıin qatty ystyq saqtalady", - dep jazylǵan habarlamada.