Almatyda 1976 jyldan bastap paıdalanýǵa berilgen qubyrdy aýystyrý úshin Qojanov kóshesindegi qozǵalys shekteledi, dep habarlaıdy almaty-akshamy.kz.
2024 jylǵy 3 shildeden 15 qyrkúıekke deıin Almaty qalasynyń Bostandyq aýdanynda Radostoves kóshesinen Gagarın dańǵylyna deıin Qojanov kóshesi boıynsha avtokólik qozǵalysy jabylady.
Qozǵalys eki jaqqa da jabylady.
1976 jyldan bastap paıdalanýǵa berilgen, atalǵan kóshe segmentiniń júris bóliginiń astynan ótetin jalpy uzyndyǵy 1097,5 metr qubyrdy qaıta jańartý ýchaskesinde josparly jumystardy júrgizý qaýipsizdigin qamtamasyz etý úshin ýaqytsha shekteýler engiziledi.
«TM1» jylý trassasy jylýmen jabdyqtaýdy (ystyq sý, jylytý) bólýdi qamtamasyz etedi jáne «Iýjnaıa», «Orbıta» qazandyqtaryn ózara baılanystyrady.
Rekonstrýksıa kezinde tutynýshylarǵa ystyq sý beriletin bolady.
Esterińizge sala keteıik, qozǵalysty shekteýge qatysty barlyq aqparat almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelilerinde, sondaı-aq «2GIS» jáne «Iandeks kartalary» servısterinde jarıalanǵan.
Ýaqytsha qolaısyzdyqtarǵa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala qarastyrýdy suraımyz.
«Almaty jylý jelileri» JSHS