Almatyda jańa jyldyq demalys kúnderi «102» púltine 2 myńnan astam qala turǵyndary qońyraý shaldy, al «jedel járdemge» 9 myń shaqyrtý túsken
Búkil megapolıs demalyp, jańa jyl merekesin toılap jatqanda, polısıa, qutqarýshylar jáne dárigerler qyzmetterin toqtatpady. Almatynyń Óńirlik komýnıkasıalar qyzmeti demalys kúnderi bolǵan oqıǵalardyń qysqasha sholý jasady, dep habarlaıdy almaty-akshamy.kz.
Almaty qalasy Polısıa departamentiniń jedel basqarý ortalyǵynyń málimetinshe, megapolıste úsh kún ishinde 44 qylmys tirkelgen. Olar negizinen turmystyq sıpattaǵy oqıǵalar. Aýyr jáne asa aýyr qylmystar tirkelmegen.
Patrúldik narádtar, ýchaskelik ınspektorlar jáne jedel qyzmetkerlerdiń jedel áreket etýimen 38 qylmys ashyldy. Sonymen qatar, jańa jyldyq mereke kúnderi polıseıler 500-den astam quqyq buzýshylyqty anyqtap, jolyn kesti.
Osy kúnderi «102» púltine 2 myńnan astam telefon qońyraýy kelip tústi, olardyń basym bóligi – anyqtama alý sıpatyndaǵy aqparat.
Osy mereke kúnderi Almatynyń úsh myńnan astam polıseıi qalada qyzmet ótkerýdiń kúsheıtilgen nusqasy negizinde quqyqtyq tártipti qamtamasyz etti. Demalys kúnderi patrúldik narádtar sany ulǵaıtyldy, qyzmet ótkerý marshrýttary tyǵyz oryndaldy, Ulttyq ulannyń 300 áskerı qyzmetkeri jaıaý patrúldeýge tartyldy.
Jalpy Almatyda Jańa jyl salystyrmaly túrde tynysh ótti. Buny TJ departamentindegider de atap ótti. Qutqarýshylar, polısıa qyzmetkerleri sıaqty, qyzmet ótkerýdiń kúsheıtilgen nusqasyna aýystyryldy. Aıtqandaı, olar osyndaı rejımde 6 qańtarda da saǵat 09.00-den 2024 jyldyń 8 qańtary saǵat 09.00-ge deıin Rojdestvoda qyzmetin jalǵastyrady. Almaty TJD derekteri boıynsha merekelik úsh kúnde qutqarýshylar 31 ret shaqyrý boıynsha oqıǵa oryndaryna bardy, onyń 10-y órtke baılanysty. Qaza tapqandar tirkelgen joq.
Almaty qalasy QDSB jedel medısınalyq járdem qyzmetinde jańa jyldyq demalys qorytyndysy boıynsha jaǵdaıǵa túsinikteme berdi. Habarlanǵandaı, 9 myńǵa jýyq adam Almaty qalasyndaǵy jańa jyldyq mereke kúnderi «103» púltine júgingen.
Dárigerler úshin 2023 jyldyń 31 jeltoqsanynan 2024 jyldyń 2 qańtaryna deıingi aralyq ońaıǵa túspedi. Medısınalyq kómek alý úshin mamandarǵa toǵyz myńǵa jýyq adam júgindi. Qala turǵyndary men qonaqtary negizinen dene qyzýynyń kóterilýi men jótelge shaǵymdandy.
Sonymen qatar, ártúrli jaraqat alǵan naýqastar aýrýhanalarǵa jetkizildi. Pırotehnıkalyq quraldardan jaraqattaný men kúıik shalýdyń 13 jaǵdaıy anyqtaldy jáne 733 JRVI dıagnozy tirkeldi.
Jedel medısınalyq járdem qyzmetiniń aǵa dárigeri Aqmaral Asanova eger táýligine 4000-ǵa jýyq ótinish tússe, mereke kúnderi olardyń sany 7000-ǵa jýyq ótinishke deıin kóbeıgenin aıtty.
Aıta keteıik, Almaty qalasynda Almaty qalasynyń barlyq halqy men qonaqtaryn 100% qamtıtyn 12 qosalqy stansıa jumys isteıdi. Kún saıyn kezekshilikke 186 jedel medısınalyq járdem brıgadasy qatysady. Jedel járdem qyzmetkerleri medısınalyq kómek kórsetý boıynsha ózderiniń fýnksıonaldyq mindetterine jaýapkershilikpen qaraıdy.
