Atom elektr stansasynyń salynatyn-salynbaıtynyn halyq sheshedi.
Degenmen, elimiz úshin taza atom energıasynyń mańyzy zor ekenin aıtqan Qasym-Jomart Toqaev bastamany jalpyhalyqtyq referendýmǵa shyǵarýdy usynǵanyn aıtty, dep habarlaıdy Almaty-akshamy.kz.
24.kz málimetinshe, jalpy AES salý máselesi boıynsha qoǵamdyq talqylaýlar ótkiziledi. Qurylysty jaqtaǵan nemese qarsy bolǵan sarapshylardyń pikirleri barynsha tarazylanyp, sheshim qabyldanady. Prezıdent jobanyń quny men ekologıaǵa áserin qaperden shyǵarmaı, máseleni ǵylymı zertteýler negizinde sheshken jón dedi.
«Qazaqstan úshin taza atom energıasynyń máni zor. Bul – el ekonomıkasynyń bolashaǵyna tikeleı áser etetin aıryqsha mańyzdy másele. Biz tabıǵı ýran óndirý kólemi jaǵynan álemde birinshi oryn alamyz. Iadrolyq otyn komponentterin de ózimiz óndiremiz. Sol sebepti men elimizdiń aýmaǵynda AES salý jaıyna aıryqsha mán beremin. Túptep kelgende, energetıka qaýipsizdigi máselesin geosaıası múdde emes, naqty qajettilik pen múmkindikter turǵysynan qarastyryp, ǵylymı zertteýler negizinde sheshken jón», - deıdi Qazaqstan Respýblıkasynyń Prezıdenti Qasym-Jomart Toqaev.