Dúnıejúzilik densaýlyq saqtaý uıymy halyqty maımyl sheshegine qarsy shuǵyl jappaı vaksınalaýdy mindetti dep sanamaıdy.
Sarapshylardyń aıtýynsha, birqatar talaptar oryndalsa, vırýstyń taralýyn tejeýge bolady. Máselen, gıgıenalyq erejelerdi saqtaý, qoldy jıi jýýdyń kómegi zor. Jalpy, Dúnıejúzilik densaýlyq saqtaý uıymynyń málimetine sáıkes, aı basynan beri ınfeksıa 19 elde rastalǵan, dep habarlaıdy Almaty-akshamy.kz
Tek bir ǵana Ulybrıtanıada maımyl sheshegine shaldyqqandar sany 71-ge jetti. Munda olar teride erekshe bórtpelerdi baıqaǵandardyń barlyǵyn dereý dárigerge qaralýǵa shaqyrdy.
Germanıada maımyl sheshegin juqtyrǵandar endi 3 aptalyq karantınge jabylady. Eldiń densaýlyq saqtaý mınıstrligi osyndaı qaýly qabyldady. Budan bólek, bılik ókilderi naýqastarmen baılanysta bolǵan azamattardy da oqshaýlanýǵa shaqyrdy. El Úkimeti saqtyq úshin aýrýǵa qarsy vaksınanyń 40 myń dozasyna tapsyrys berdi. Búginde Germanıada 5 adamnyń boıynda osy aýrý rastaldy.
"Maımyl sheshegi bul – jańa pandemıanyń basy emes. Buny barlyǵymyz túsinýimiz kerek. Bizdiń bilýimizshe, bul vırýstyq aýrýdyń órshýi jıi kezdesedi. Ony kontaktilerdi izdeý jáne saqtyq sharalary arqyly baqylaýda ustaýǵa bolady", - dedi GFR Densaýlyq saqtaý mınıstrliginiń basshysy Karl Laýterbah.