Onyń tereńdigi – 15 metr.
Qyrǵyzstannyń Ulttyq qaýipsizdik memlekettik komıteti Osh oblysynda Ózbekstanǵa aparatyn qupıa týneldi tapty, dep habarlady Almaty-akshamy.kz Turkystan.kz silteme jasap.
Qyrǵyzstannyń Qara-Sýı aýdanyna qarasty Telman aýylynda jeke turǵyn úıdiń aýmaǵynda Qyrǵyzstan men Ózbekstandy jalǵaıtyn jalpy jerasty týnneli anyqtaldy.
Komıtet málimetinshe, jedel tergeý sharalary barysynda jeke úı aýmaǵynda 270 metrlik jerasty ótkeli tabylǵan.
«Onyń tereńdigi – 15 metr. Týnelge kirý – 1,8 metr, eni – 1,5 metr. Kireberisten shekara syzyǵyna deıin 40 metr», – dep jazylǵan habarlamada.
Búginde týnel anyqtalǵan ýchaskeniń ıesine qatysty tergeý júrgizý josparlanyp otyr.
«Jerdiń ıesi Jalal-Abad oblysy Qyzyl-Jar psıhıatrıalyq aýrýhanasynda bolýyna baılanysty onyń aqyl-esiniń kemdigine qaıta zertteý júrgiziledi», – dep jazylǵan habarlamada.