Aqparat keńistiginde tergeý ızolátorlaryndaǵy azaptaýlar týraly aqparattar tarap ketti.
Qylmystyq-atqarý júıesi komıtetiniń tóraǵasy atalǵan derektiń shyndyqqa sáıkes kelmeıtinin málimdedi, dep habarlaıdy Almaty-akshamy.kz
QR İshki ister mınıstrligi Qylmystyq-atqarý júıesi komıtetiniń tóraǵasy Janat Eshmaǵambetov jelide taraǵan Almatyda azaptaý kameralary qurylǵany týraly aqparatty joqqa shyǵardy.
«Qazirgi ýaqytta aqparat keńistiginde tergeý ızolátorlaryndaǵy azaptaýlar týraly jalǵan aqparattar jappaı taraýda. Biz olardyń shyndyqqa sáıkes kelmeıtinin, jurtshylyqty adastyryp, bolyp jatqan oqıǵalardy burmalaıtynyn jaýapkershilikpen málimdeımiz. Almatydaǵy tergeý ızolátorynda ortaǵasyrlyq ınkvızısıa úlgisinde azaptaý kameralary jasalǵany týraly jalǵan habar taraýda. Men mundaı nárse joq jáne bolýy múmkin emes dep aıtqym keledi», – dedi spıker.