Sınoptıkterdiń málimetinshe, Qazaqstan terıtorıasynyń basym bóliginde atmosferalyq frontaldy bólikter ótýine baılanysty, turaqsyz aýa raıy saqtalady, dep habarlaıdy almaty-akshamy.kz.
Naızaǵaı oınap, ótkinshi jańbyr, kúndiz batysta, soltústikte burshaq jaýady.
«Elimizdiń soltústiginde, shyǵysynda túnde jáne tańerteń tuman kútiledi. Tek elimizdiń ońtústik-batysynda jaýyn-shashynsyz aýa raıy saqtalady. Respýblıka boıynsha jeldiń kúsheıip, kúndiz batysta shańdy daýyl soǵady», — delingen habarlamada.
Aqtóbe, Qyzylorda, Mańǵystaý, Atyraý, Túrkistan, Jambyl, Almaty, Jetisý oblystarynda, Batys Qazaqstan oblysynyń soltústigi men shyǵysynda, Qostanaı, Qaraǵandy, Abaı oblystarynyń ońtústiginde, Ulytaý oblysynyń ońtústigi men ortalyǵynda joǵary órt qaýipi saqtalady.
Túrkistan oblysynyń shóldi aýdandarynda, Qyzylorda oblysynyń shyǵysynda, Batys Qazaqstan, Atyraý, Aqtóbe oblystarynyń batysynda, ońtústiginde tótenshe órt qaýipi kútiledi.