Úshinshi maýsym kúni Astanada, 4 maýsymda Almatyda «Jambyl. Jańa dáýir» fılminiń jabyq kórsetilimi ótti, dep habarlaıdy almaty-akshamy.kz.
Mádenıet jáne aqparat mınıstrliginiń tapsyrysy boıynsha Ulttyq kıno ortalyǵynyń qoldaýymen túsirilgen fılm 6 maýsymnan bastap el kınoteatrlarynda kórsetile bastaıdy. Fılm aqyn ómiriniń sońǵy 9 jylyn qamtıdy. Dál osy kezeńde Jambyl Jabaevtyń aty búkil Keńes odaǵyna tanylǵan bolatyn. Fılmde Jambyldyń ómirine áser etken oqıǵalar baıandalady: aqyndar sleti, aqyn óleńderiniń gazetter men jýrnaldarda jarıalana bastaýy, Oraz Jandosovpen, Sáken Seıfýllınmen jáne taǵy basqa qazaqtyń ataqty qoǵam qaıratkerlerimen kezdesýi.
«Basty róldi somdaıtyn akterdi kóp izdedik. Rejıser úshin eń mańyzdy bolǵany – akter túr-álpetiniń aqyn beınesine sáıkes kelýi. Ol úshin biz basty rólge úmitkerdiń fotosýretin alyp, onyń túrin «qartaıttyq». Akterlar quramyna Almas Shaıahmetov, Anna Starchenko, Asan Májit, Erik Joljaqsynov, Farhad Mahmýdov, Fılıpp Voloshın men Asylbek Aıtısh kirdi, – deıdi rejıser Jandos Qusaıynov.
Aıta ketý kerek, «Jambyl. Jańa dáýir» tarıhı kartınasy 2021 jyly aqynnyń 175 jyldyǵy mereıtoıy tusynda túsirile bastady.