Qalalyq josparlaý jáne ýrbanıstıka basqarmasynyń qyzmetkerleri aýdan ákimdiginiń ókilderimen birlesip jergilikti jerlerdegi komersıalyq nysandardyń menshik ıelerine túsindirý jumystaryn júrgizdi.
«Búgin Almaly aýdanynyń saýda úıleriniń biriniń kásipkerlerimen kezdestik, olarǵa buryn zańsyz jarnamany alyp tastaý týraly habarlama berilgen bolatyn. Keıbiri muny ózderi jasady, al endi birine jańa normalardy qosymsha túsindirý qajet boldy. Jalpy, biz bıznes ókilderine 900-ge jýyq habarlama berdik, ıaǵnı búkil qalanyń syrtqy kelbetin jaqsartý jónindegi júıeli jumysty jalǵastyramyz», - dedi basqarma basshysy Nurlan Boranbaev.
Esterińizge sala keteıik, 2023 jyly jeltoqsanda qala máslıhaty bekitken Almatynyń jańa dızaın-kody ártúrli aqparatty jazýǵa jáne toltyrýǵa qatań talaptar qoıady. Bul mańdaıshalar, jarnamalyq qurylymdar jáne kez kelgen basqa syrtqy aqparat, sondaı-aq ǵımarattardyń birinshi jáne ekinshi qabattaryndaǵy turǵyn emes keńistikterdiń tústeri men árleý materıaldary. Bul elementterdiń barlyǵy qasbettiń arhıtektýralyq stılimen úılesip, ǵımarat arhıtektýrasynyń tutastyǵyn buzbaýy kerek.
Aıta ketý kerek, megapolıs ákimi Erbolat Dosaevtyń tapsyrmasyna sáıkes dızaın-kod kezeń-kezeńimen engizilip otyr. Qoldanystaǵy nysandarǵa kásipkerlerdi dızaın-kod qaǵıdattaryn belsendi engizýge yntalandyrý úshin keshendi tásil qarastyrylǵan. Jańa nysandar úshin usynystar men talaptardyń tolyq kólemi qoldanylady.
