Denede mańyzdy nárse jetispese, ol belgili bir fýnksıalardy óshire bastaıdy jáne jaǵdaı jaqsarǵansha basqalaryn azaıtady. Deneniń buǵan qalaı áreket etetinine qarap, sizde belgili bir vıtamın nemese mıneraldyń jetispeýshiligi bar-joǵyn anyqtaýǵa bolady.
Qandaı belgiler boıynsha dárýmenderdiń tapshylyǵyn óz betinshe anyqtaýǵa bolady, dedi Almaty qalasynyń No11 qalalyq emhanasynyń jalpy tájirıbelik dárigeri Erǵalı Qurmashev.
Vıtamın tapshylyǵyn qalaı anyqtaýǵa bolady
Shashtyń túsýi – temir, myrysh tapshylyǵy
Aıaqtyń qysylýy - magnıı jetispeýshiligi
Qurǵaq teri - A jáne E vıtamınderiniń tapshylyǵy
Qatty sharshaý – temirdiń, D vıtamıniniń tapshylyǵy
Deneniń óte ońaı kógerýi, kishkentaı jaralardan kqbirek qan ketýi - K jáne S
vıtamın jetispeýshiligi
Jıi sýyq tıý – myryshtyń, S jáne D vıtamınderiniń jetispeýshiligi
Tyrnaqtardaǵy aq daqtar - myrysh tapshylyǵy
Tómen súıek tyǵyzdyǵy, sapasyz tister – S vıtamıni jáne kálsı tapshylyǵy
Sezimtikti joǵaltý, uıqyshyldyq, aıaq-qoldardyń qyshýy - V12 vıtamıniniń jetispeýshiligi
Teri pıgmentasıasynyń buzylýy (denede daqtardyń paıda bolýy) - mys tapshylyǵy
Qabyrshaq teri - aqýyz, kollagen, S vıtamıniniń jetispeýshiligi
Aýyz jıeginiń aǵarýy - V2 vıtamıniniń jetispeýshiligi
«Osy belgilerdi baıqaǵan jandar ózi tirkelgen emhanadaǵy dárigerge baryp, vıtamın tapshylyǵyn rastaı alady. Bul kez kelgen aýrýdyń aldyn alýǵa múmkindik beredi. Qandaı da bir belgiler paıda bolǵan jaǵdaıda saqtandyrylǵan naýqastar ÁMSQ paketinde qajetti taldaýlardy tapsyryp, tekserilýden óte alady», - dep túsindirdi dáriger.