Keshe 17:00-de Ońtústik Qytaıdyń Gýandýn provınsıasynyń sý tasqyny men qurǵaqshylyqpen kúres shtaby «Doksýrı» taıfýny jaqyndap qalǵanyna baılanysty qaýipsizdik sharalaryn kúsheıtti, dep habarlaıdy Almaty-akshamy.kz Sınhýa agenttigine silteme jasap.
Provınsıanyń meteorologıa qyzmeti bul keıingi on jylda Gýandýn provınsıasynyń shyǵysyna tóngen eń kúshti taıfýn bolýy múmkin dep málimdedi.
Meteoqyzmetterdiń habarlaýynsha, birqatar aýdanda «Doksýrımen» qatar nóser jańbyr jaýyp, kúshti jel turady. Jergilikti bılik aldyn ala eskertý jarıalap, jaqyn mańdaǵy kemeler men sýlarda jumys isteıtin jumysshylardy ýaqytynda kelip, aılaqtaryna tyǵylýǵa shaqyrdy.
Shantoý qalasynyń temirjol vokzaly sársenbiden jeksenbige deıin birqatar júrdek poıyzdardyń qozǵalysyn toqtata turady.
Búgin Qytaıdyń shyǵysyndaǵy Chjeszán provınsıasynda taıfýnǵa jedel áreket etý rejıminiń tórtinshi dárejesi engizildi. Qazirgi ýaqytta provınsıadaǵy teńiz daqyldarymen aınalysatyn 1588 adamnyń bári jaǵaǵa shyǵyp, 15 603 balyq aýlaıtyn keme aılaqtarǵa tyǵyldy.
QHR Ulttyq meteorologıa qyzmeti búgin tańerteń bıyl besinshi ret qaıtalanýy múmkin «Doksýrı» taıfýnyna baılanysty eldegi jaǵymsyz aýa raıyn eskertetin eń joǵarǵy – «qyzyl» dárejesin engizdi.
UMQ málimeti boıynsha, qýatty taıfýn Fýszán provınsıasy Szınszán qalasynyń jaǵalaýdaǵy aýdandary men Fýszán jáne Gýandýn provınsıalary túıisken jaǵalaýdaǵy aýdandarǵa juma kúni shyǵýy múmkin.