Densaýlyq saqtaý mınıstrligi talǵar AOA oqıǵasyna qatysty ádil quqyqtyq baǵalaýdy talap etedi
Talǵar aýdanynyń AOA-da qyzmettik mindetterin atqarý kezindegi medısına qyzmetkerlerine qatysty jol berilmeıtin zorlyq-zombylyq áreketteri jasalǵan óreskel oqıǵa boldy.
Reanımatolog pen meıirger pasıenttiń agressıvti týystarynyń shabýylynan aýyr jaraqat aldy.
Osy quqyqqa qaıshy áreketterge quqyq qorǵaý organdarynyń tarapynan sáıkes baǵa berilýi, shabýyl jasaǵan adamdar zańnyń barlyq talaptary boıynsha jazalanýy tıis. Dárigerlerge jasalǵan mundaı qaskúnemdik shabýyldar, aýyr pasıentterge medısınalyq kómek kórsetetin medısınalyq uıymnyń qyzmetine aralasýǵa múldem jol berilmeıdi jáne adamgershilikke jatpaıdy.
Densaýlyq saqtaý júıesinde pasıentter men dárigerlerdiń qaýipsizdigi, naýqastarǵa medısınalyq kómek kórsetý úshin jaǵdaı jasaý árqashan aldyńǵy qatarda turady.
Basym mindet - zardap shekken dárigerdiń jáne basqa qatysýshylardyń qaýipsizdigin qamtamasyz etý, barlyq kúsh-jigerdi zardap shekken medısına qyzmetkerleriniń ómiri úshin kúreske baǵyttaý, al medısınalyq uıym basqa shuǵyl pasıentterge kómek kórsetý úshin qaýipsiz jaǵdaı jasaý bolyp tabylady. Áriptesterimizdiń tezirek saýyǵyp ketýlerine tilektespiz!
Densaýlyq saqtaý mınıstrligi medısına qyzmetkerleriniń qyzmettik mindetterin oryndaý kezinde olarǵa qatysty zorlyq-zombylyq áreketteri jasalǵan jaǵdaıda qylmystyq jaýapkershilikke tartylyp, medısına qyzmetkerlerin quqyqtyq qorǵaý, qaýipsizdik jáne mártebesin nyǵaıtý bastamasyn kóteredi. Zańnamaǵa engizilgen ózgerister Parlament Májilisinde qaralady jáne jaqyn arada bekitiledi dep úmittenemiz.