Búgin tańǵy 7:00-den beri Almatyda jańbyr jaýyp tur.
«Qazgıdromet» RMK boljamyna saı, jaýyn túske deıin jaýady. Tańǵy 10:00-degi jaǵdaı boıynsha qalada 9 mm jaýyn-shashyn jaýdy. Kamensk ústirti aımaǵynda – 14 mm, dep habarlaıdy Almaty-akhsamy.kz.
Komýnaldyq ınfraqurylymdy damytý basqarmasynyń málimetine qaraǵanda, sý tasqynynyń aldyn alý jáne joıý úshin 45 patrúldik brıgada, 165 birlik arnaıy tehnıka, 24 motopompa jáne 820 jol jumysshysy jumyldyryldy. 1750 qap qum jınaldy.
Tótenshe jaǵdaılar jónindegi jedel kezekshiniń aqparaty boıynsha Bostandyq aýdanyndaǵy Vahtangov kóshesi,5 mekenjaıy boıynsha jeke sektor aýmaǵyn bir ret sý basqany anyqtaldy.
«Almaty Tazalyq» MKK kúshimen qulaǵan butaqtan aryq ótkeli tazartylyp, sý tasqyny joıyldy.
Aýdan ákimdikterinde jumys óndirisin baqylaý boıynsha kezekshilik uıymdastyryldy.
Ońtústik-batys jel ekpini 3-8m/s, keıde 13 m/s-qa jetedi, aýa temperatýrasy +15 + 17°S.