Mamandar kerek keńester berip, qajetti em-dom taǵaıyndady.
№10 qalalyq emhana mamandary Almaty qalasy «Shańyraq» áleýmettik qyzmet kórsetý ortalyǵynyń basshylyǵymen birlesip, osy mekemeniń atalǵan emhanada tirkelgen 306 turǵynyn profılaktıkalyq tekserýden ótkizdi, dep habarlaıdy Almaty-akshamy.kz
«Shańyraqty» jalǵyzilikti qarttar, múmkindigi shekteýli jandar meken etedi. Olarǵa kardıolog, oftalmolog, endokrınolog, mammolog, ýrolog, nevropatolog, ınfeksıonıst, hırýrg jáne dermatolog dárigerler arnaıy baryp, densaýlyǵyn tekserip, kerek keńester berip, qajetti em-dom taǵaıyndady.
Ortalyq turǵyndary №10 qalalyq emhana basshylyǵyna, klınıkalyq dıagnostıkalyq kómek berý bóliminiń meńgerýshisi G.Bógenbaevaǵa, sondaı-aq is-sharaǵa qatysqan barlyq maman-dárigerdiń jumysyna joǵary baǵa berip, kásipqoılyǵy, ár pasıentke qamqorlyǵy men kóńil bólgeni úshin alǵysyn bildirdi.