Ál-Farabı atyndaǵy QazUÝ-dyń 90 jyldyq mereıtoıyna oraı halyqaralyq «TÚRKSOI» túrki mádenıeti uıymy men Tehnologıalardy komersıalandyrý jáne kreatıvti ındýstrıa ortalyǵynyń qoldaýymen túrki álemi elderiniń kıno jáne medıa fakúltetteriniń stýdentterine arnalǵan «Farabi Film Festival» kınofestıvali jumysyn bastady.
Sharaǵa Qazaqstan, Qyrǵyzstan, Ózbekstan, Túrkıa, Ázerbaıjan jáne Túrikmenstannan stýdentter, oqytýshylar men kınomatograftar qatysty.
Saltanatty sharany Basqarma múshesi – ǵylymı-ınnovasıalyq qyzmet jónindegi prorektory Jamıla Nurmatqyzy Aıtjanova quttyqtaý sózben ashyp, alǵash ret ótken festıvál jumysyna tabys tilep, túrkitildes elderdiń kıno jáne óner mamandyǵy boıynsha bilim alyp júrgen stýdentterdiń etnografıalyq derekti fılm, kınoesse, kıno-baqylaý, portret, eksperımentaldy fılm, dokýfıkshen, dokýmentaldy anımasıa janrlarynda 70-ke jýyq týyndylary qabyldanǵanyn atap ótti.
Jas kınogerlerdi qoldaý men olardyń kásibı damýyna arnalǵan kınofestıval ótkizýdi dástúrge aınaldyrý túrki halyqtary arasyndaǵy dostyqty nasıhattaýǵa úles qosady.
«TÚRKSOI» túrki mádenıeti uıymy Bas hatshysynyń orynbasary Saıd Iýsýf ál-Farabı atyndaǵy Qazaq ulttyq ýnıversıtetiniń 90 jyldyq mereıtoıymen quttyqtaı kele, túrki órkenıeti bizdiń ǵana órkenıetimiz emes, tutas adamzattyń órkenıeti. Sondyqtan túrki tildes memleketteri kınoóneri arqyly ana tilin, tarıhyn, mádenıetin jáne salt-dástúrin álemge tanytýy tıis dep tujyrymdady. Osh memlekettik ýnıversıteti kınoakademıa bóliminiń oqytýshy-operatory Akımbaı Kaparov ýnıversıtettiń 90 jyldyq mereıtoıyna fakúltet stýdentteriniń arnaıy syıy – Alataý tabıǵaty beınelengen kartınany syıǵa tartty. Alǵash ret túrki tildes elderi arasynda stýdentterdiń festıvaline odan ary ary jalǵasyn taýyp, Ortalyq Azıada qanatyn keńge jaıýıyna tilektestik bildirdi.
Shara barysynda jeńimpazdar TÚRKSOI jáne ál-Farabı atyndaǵy QazUÝ atynan syılyqtar men dıplomdarmen marapattaldy. Qyrǵyz-túrik Manas ýnıversıtetiniń stýdenti Saadat Kazakbaeva «Aqshamdaǵy qońyraý» fılmi úshin QazUÝ-dyń Bas júldesin, Túrkmenstan kınofakýlteti stýdentteriniń jetekshisi-rejısser Iskandermýhamed Annamýhamedov «Dýtar áýezi» fılmi úshin TÚRKSOI bas júldesin ıelendi. Festıvál nomınattary arasynda Qazaqstan, Túrkıa, Ázerbaıjan, Ózbekstannan kelgen jeńimpazdar ıelendi.
Ál-Farabı atyndaǵy Qazaq ulttyq ýnıversıteti stýdentteri Dıas Iýsýftyń «Boyau», Adnan ál-Hattabtyń «Hasib Untold Story», Oljas Pavlıktiń «QazUÝ: tarıh pen bilim mekeni» atty fılmderi erekshe dep tanyldy. 2021 jyly QazUÝ-da «Kıno&Medıa» bilim berý baǵdarlamasy ashylyp, shyǵarmashylyq sheberlik, kreatıvti ónim jasaýǵa qabiletti kıno jáne medıa salasyndaǵy suranysqa ıe kadrlardy daıarlaýda.
Festıvál qonaqtary Murat Esjan, Ótegen Nartaı, Bertis Dıas, Akýnova Arýna, Ývaljanova Álıa sıaqty tanymal kınematografıster stýdentterge arnap sheberlik synyptaryn ótkizdi. Festvıaldiń mádenı baǵdarlamasy Ál-Farabı atyndaǵy QazUÝ kampýsyna, «Qazaqfılm» kınostýdıasyna, Almaty qalasy mýzeılerine týrmen jalǵasty.
Kórermenniń kózaıymy bolǵan, júregine jol tapqan birqatar týyndylar túrki órkenıetiniń máńgilik qundylyǵyna aınalmaq. Atalmysh bastama aldaǵy jyldary jalǵasyn taýyp, daryndy kınogerler men jas rejıserlerdiń ónerdegi alǵashqy baspaldaǵyna aınalady dep senemiz.