Iaǵnı naýqastyń sóıleý qabileti qalpyna keldi.
Almaty kópsalaly klınıkalyq aýrýhanasyna sóıleý qabileti bulshyq etteriniń (erin, til, jumsaq tańdaı, daýys qatparlary, kómeı, tynys alý bulshyqetteri) ınnervasıasy buzylǵan 60 jastaǵy naýqas túsken. Tekserýden keıin aýrýhana dárigerleri naýqasqa ınsýlttan keıingi dızartrıa dıagnozyn, ıaǵnı sóıleý qabiletiniń buzylǵnany anyqtady, dep habarlaıdy Almaty-akshamy.kz Elorda.info-ǵa silteme jasap.
Jalpy, sóıleý qabiletiniń buzylý sebepteri ınsýlt, bas mıynyń jaraqattary, neırohırýrgıalyq aralasýlardyń saldary, isikter jáne ártúrli neırodegeneratıvti prosester bolýy múmkin.
«Naýqastyń negizgi aýrý belgileri artıkýl músheleriniń qozǵalǵyshtyǵynyń shektelýi, bulyńǵyr, oqylmaıtyn jáne baıaý sóıleý boldy. Naýqastyń sóıleýin qalpyna keltirý úshin biz logopedpen jumys jasaý kerektigin baıqadyq. Dıagnostıkalyq tekserý barysynda maman sóıleý qabileti buzylýynyń qandaı aspektileri boıynsha bolǵanyn qarap, jeke qalpyna keltirý baǵdarlamasyn jasady jáne logopedıalyq massaj, tynys alý, artıkýlásıalyq gımnastıka, sóıleý bulshyqetterin dirildetýdi qamtıtyn jeke sabaqtar ótkizdi. Naýqasqa kórsetilgen barlyq kómek mindetti áleýmettik medısınalyq saqtandyrý aıasynda júrgizildi», - dep bólisti ońaltý bóliminiń meńgerýshisi Dınara Nametova.
Qazirgi kezde naýqastyń jaǵdaıy jaqsy, sóıleý qabileti ornyna kelip, qalypty jaǵdaıdaǵy ómirine qaıta oralǵan.