Bul iske qatysy bar dep tanylǵan kúdiktiler ustaldy, dep habarlaıdy Almaty-akshamy.kz.
Polisia.kz-tiń málimetinshe, Almaly aýdanynyń polıseıleri 20 jáne 17 jastaǵy eki azamatty anyqtaǵan. Boljam boıynsha tamyz aıynan beri alaıaqtyqpen aınalysqan.
«Qylmystyq is materıaldarynan belgili bolǵandaı, alǵashynda jastar ǵalamtor arqyly ózderinde joq páterlerdi kúndelikti jalǵa berý týraly habarlandyrýlardy taratqan. Olar aldyn ala tólemdi alǵan soń, uıaly telefondaryn óshirip tastaǵan. Ári qaraı, aǵaıyndylar ózderi bir kúnge jalǵa alǵan páterlerdi uzaq ýaqytqa jalǵa berýge kiristi. Keıde olar birneshe aıdyń jaldaý aqysyn alatyn. Aldanǵan azamattar polısıaǵa kómek surap júgingen. Kúdiktiler ustaldy», – dedi Almaly aýdandyq polısıa basqarmasynyń bastyǵy Oljas Sháripov.
Qazirgi ýaqytta osyǵan uqsas alty epızod anyqtaldy. Kúdiktilerdiń jeke basy basqa da aldaý áreketterine qatysy bar-joǵyna tekserilip jatyr.
Alaıaqtyń jasaýdyń osyǵan uqsas deregi anyqtalǵan jaǵdaıda, polısıa qyzmetkerleri azamattardy myna telefon nómirleri arqyly habarlasýǵa shaqyrady: 8-705-555-77-63 jáne 8-778-591-91-35. QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.