Kóp jaǵdaıda ondaı adamdar kóńil kúıleri bolmaıdy
Dárigerler alsgeımer aýrýynyń erte sımptomdaryn atady. Onyń eń alǵashqy belgileriniń biri – kórý qabiletiniń nasharlarýy men nysandardy tanýdyń qıyndyǵy, dep habarlaıdy Almaty-akshamy.kz Baq.kz agenttigine silteme jasap.
Olardyń aıtýynsha, aqyl-es kemistiginiń taǵy bir belgisi – afazıa, ıaǵnı sóılesip otyrǵanda durys sózdi taýyp qoldana almaı qalatyn kúı kórinedi.
Tulǵa men onyń minez-qulqynyń ózgerýin Alsgeımer aýrýynyń erte sımptomdaryna jatqyzýǵa bolady dep otyr. Alaıda ony baıqaý óte qıyn. Kóp jaǵdaıda ondaı adamdar kóńil kúıleri bolmaı, ashýlanshaq keledi, sondaı-aq óz-ózderine senimsizdik paıda bolyp, buryn jaqsy kórgen isterine qyzyǵýshylyq joǵalady.
Dárigerler demensıanyń erte oryn alýyna sebep retinde ómir súrý salty men genetıkalyq faktorlardy alǵa tartty. Shylym shegý, kóp mólsherde alkogóldik sýsyndar ishý, az qozǵalysty ómir salty, durys tamaqtanbaý, holesterınniń joǵary mólsherin aqyl-esten aljastyratyn faktorlardyń paıda bolýynyń sebebi dep otyr. Demensıanyń taǵy basqa sımptomdaryna este saqtaý qabiletiniń nasharlaýy, jýyrda oryn alǵan oqıǵalardy umytyp qalý, nazardyń tómendeýi jatady.