Sottalýshyǵa birden QR Qylmystyq kodeksiniń birneshe baby boıynsha aıyp taǵyldy
Almatyda gastroenterolog Iýrıı Shýmkovtyń ólimine qatysty is boıynsha sottalýshyǵa jalpy 18 jylǵa bas bostandyǵynan aıyrý jazasy taǵaıyndaldy, dep habarlaıdy Almaty-akshamy.kz Zakon.kz-ke silteme jasap.
"Sottalýshy Nurjan Tursynbaevqa birden QR Qylmystyq kodeksiniń birneshe baby boıynsha jalpy 18 jylǵa bas bostandyǵynan aıyrý jazasy taǵaıyndalsyn", - dedi sýdıa Erkin Maıshynov.
Sottalýshyǵa birden QR Qylmystyq kodeksiniń birneshe baby boıynsha aıyp taǵyldy:
QR Qylmystyq kodeksiniń 99-baby 2-bóligi («Adam óltirý»);
QR Qylmystyq kodeksiniń 115-baby («Qorqytý»);
QR Qylmystyq kodeksiniń 287-baby, 2 jáne 3-bólikteri («Qarýdy, oq-dárilerdi, jarylǵysh zattardy jáne jarylǵysh qurylǵylardy zańsyz alý, berý, ótkizý, saqtaý, tasymaldaý nemese alyp júrý»);
QR Qylmystyq kodeksiniń 291-baby, 4-bóligi, 2-tarmaǵy («Qarýdy, oq-dárilerdi, jarylǵysh zattar men jarylǵysh qurylǵylardy urlaý nemese qorqytyp alý»);
380-baptyń 1-bóligi («Bılik ókiline qorqytý nemese kúsh qoldaný áreketteri»).
Qylmysker jazasyn barynsha qaýipsi mekemede óteıdi. Ol marqumnyń otbasyna 15 mıllıon teńge ótemaqy tóleýge tıis.
10 qańtar kúni gastroenterolog Iýrıı Shýmkovtyń ólimine qatysty is boıynsha ótken sot otyrysynda prokýror aıyptalýshyny qatań rejımdegi mekemede 20 jyl bas bostandyǵynan aıyrýdy suraǵan edi.
Belgili gastroenterolog Iýrıı Shýmkov 2022 jyly 4 sáýirde Almatydaǵy kólik turaǵynda kisi qolynan qaza tapty. Keıin polısıa qylmyskerdiń dárigerge birneshe ret barǵan klıenti ekenin anyqtaǵan. Dárigerdi óltirgenge deıin aıyptalýshymen kezdesý týraly Iýrıı Shýmkovtyń áriptesi de aıtty.
2022 jyly 22 qarashada Shýmkovtyń jesiri sotta sóz sóıledi. Ol ótemaqy retinde 105 mıllıon teńge talap etti.
2023 jyldyń 4 qańtarynda sot otyrysynda sottalýshy Iýrıı Shýmkovty qalaı atqanyn aıtyp berdi. Al 6 qańtardaǵy otyrysta aıyptalýshy dárigerdiń anasy men jesiriniń moraldyq jáne materıaldyq shyǵyndy óteý týraly talabyn qabyldady.