Qazaqstannyń barlyq aýmaǵynda teleradıoarnalardy retranslásıalaý ýaqytsha toqtatylady, dep habarlaıdy Almaty-akshamy.kz «Qazteleradıo» AQ-ǵa silteme jasap.
Qazteleradıonyń málimeti boıynsha, 18 qańtar, saǵat 03:00 - 17:00 aralyǵynda jerseriktik, sıfrlyq jáne analogty efırlik jelilerdiń tehnıkalyq quraldaryndaǵy servıster jabylyp, josparly profılaktıkalyq jumystar júrgiziledi.
Osyǵan baılanysty Qazaqstannyń barlyq aýmaǵynda teleradıoarnalardy retranslásıalaý ýaqytsha toqtatylady.
«Qazteleradıo» AQ toqsan saıyn jerseriktik jáne efırlik jelilerdiń tehnıkalyq quraldarynda servısterdi jaba otyryp, josparly-profılaktıkalyq jumystar júrgizedi. Bul jumystar teleradıo habarlaryn sapaly taratýdy qamtamasyz etý úshin qajet. Al toqsan saıynǵy josparly profılaktıkalyq jumystar servısti uzaq ýaqyt óshirýge múmkindik beredi. Sondyqtan osy ýaqyt ishinde tehnıkalyq quraldardy jańǵyrtý boıynsha qosymsha jumystar júzege asyrylady», - dep habarlady "Qazteleradıo".