AQSH-tyń Leık-Plesıd qalasynda ótip jatqan dúbirli dodada erler arasynda elimizdiń atynan Mıhaıl Shaıdorov pen Dıas Jırenbaev synǵa tústi
2023 jylǵy Qysqy Ýnıversıadanyń besinshi jarys kúninde mánerlep syrǵanaýdan erler arasynda jekeleı saıys ótti, dep habarlaıdy Almaty-akshamy.kz QazAqparatqa silteme jasap.
AQSH-tyń Leık-Plesıd qalasynda ótip jatqan dúbirli dodada erler arasynda elimizdiń atynan Mıhaıl Shaıdorov pen Dıas Jırenbaev synǵa tústi. Qysqa baǵdarlamada M.Shaıdorov 6, D. Jırenbaev 16-shy orynǵa ıe boldy.
Osylaısha olar erkin baǵdarlamada oıyn kórsetýge múmkindik aldy.
Erkin baǵdarlamada M.Shaıdorov 156.03 bal jınap, úshinshi oryn aldy. Qossaıystyń nátıjesimen ol 231.08 bal enshiledi. Bul oǵan júldegerler qatarynan kórinýge múmkindik bergen joq. Nátıjesinde tórtinshi oryndy mise tutty.
Al D.Jırenbaev erkin baǵdarlamada 135.52 upaı jınap, 9-shy orynǵa ıe boldy. Eki saıystyń qorytyndysymen ol 196.41 upaı alyp, 11-shi orynǵa turaqtady.
Aıta ketsek, M. Shaıdýrov byltyr mánerlep syrǵanaýdan jasóspirimder arasyndaǵy álem chempıonatynyń kúmis júldegeri atanǵan edi.
Eske salsaq, dúbirli dodada 14 qańtarda qazaqstandyq bıatlonshy Vadım Kýrales 15 shaqyrym qashyqtyqta jekeleı synda máre syzyǵyn birinshi bolyp qıdy.