Jez taqtaıshalardyń árqaısysynyń quny 80 000 teńge.
Almaty polıseıleri Tólebaev kóshesindegi Vıktor Soıǵa arnalǵan memorıaldyq keshenge zaqym keltirgen vandaldy anyqtady, dep habarlaıdy Almaty-akshamy.kz
Almatynyń ortalyq aýdanynyń turǵyndary Tólebaev kóshesiniń boıyndaǵy aleıadaǵy vandalızmge shaǵymdandy. Bıyl sol aýdannyń turǵyndary Vıktor Soı eskertkishiniń artyndaǵy aleıany qaıta qalpyna keltirip, ánshiniń shyǵarmalarynan alynǵan úzindiler jazylǵan ekertkish taqtashalar qoıǵan. Turǵyndardyń aıtýynsha, jezden jasalǵan taqtaıshalar arnaıy tapsyryspen jasalyp, árqaısysynyń quny 80 000 teńgeden turady.
28 qazanda belgisiz qart adam metal zatpen taqtaıshalardy ádeıi syzǵan. Alty taqtaısha zaqymdanǵan.
«Sáýlettik ansámbl qalanyń týrısik ınfraqurylymy úshin úlken mańyzǵa ıe, sebebi ol negizgi kórikti jerler tizimine engen. Ókinishke oraı, buzaqylyq saldarynan búlingen belgilerdi qalpyna keltirý múmkin emes», - dep jazylǵan jergilikti belsendiniń paraqshasynda.
Beınejazba jarıalanyp, turǵyndar aryz jazǵannan keıin Almaty polısıasy jaǵdaıǵa baılanysty jaýap berdi. Taqtaıshalardy búldirgen er adam anyqtalyp, ustaldy.
«Medeý aýdandyq polısıa bóliminiń qyzmetkerleri 1952 jyly týǵan er adamdy ustady, ol jasaǵan áreketin moıyndap, ókinip, búlingen taqtaıshany qalpyna keltirýge mindetteldi. Onyń áreketi QR QK 434 (Usaq buzaqylyq) jáne 505-baptary boıynsha saraptalǵan. İstiń materıaldary sotqa joldanady», - dedi polıseıler.