Budan buryn Qazaqstan prezıdentiniń Vladımır Pýtınge kóńil aıtqanyn habarlaǵanbyz.
Daǵystan basshysy Sergeı Melıkov Telegram arnasynda 24, 25 jáne 26 maýsym kúnderi elde qaraly kún jarıalanǵanyn málimdedi, dep habarlaıdy Almaty-akshamy.kz
Belgili bolǵandaı, Daǵystanda ornalasqan mádenı mekemeler men teleradıokompanıalar barlyq oıyn-saýyq sharalary men baǵdarlamalaryn toqtatady.
Sondaı-aq, baspasóz qyzmetiniń habarlaýynsha, úkimetke qaza bolǵandardyń otbasylary men zardap shekkenderge kómek kórsetý boıynsha qajetti sharalardy qabyldaý tapsyryldy.
Buǵan deıin Derbenttegi sınagoga men shirkeýge belgisiz bireýler oq atqan, sonymen qatar Mahachkalada jol polısıasy beketine shabýyl jasaǵany habarlanǵan bolatyn. Reseı Tergeý komıtetiniń Daǵystan Respýblıkasy boıynsha Tergeý basqarmasy Reseı Federasıasynyń Qylmystyq kodeksiniń 205 ("Terorıstik akt") 1-bap boıynsha qylmystyq is qozǵady.
Keıin Mahachkala men Derbentke jasalǵan qarýly shabýyldyń kesirinen alty polıseıdiń qaza tapqany belgili boldy. Sońǵy málimetter boıynsha, 15-ten astam polısıa qyzmetkeri, sondaı-aq birneshe beıbit turǵyn, sonyń ishinde Orys pravoslavıe shirkeýiniń dinı qyzmetkeri lańkestik áreketterdiń qurbany bolǵan.