Qazaqstan Prezıdenti quqyq qorǵaý júıesi arqyly jedel-izdestirý sharalaryn júrgizýde kómek kórsetýge daıyn ekenin jetkizdi.
Memleket basshysy Qasym-Jomart Toqaev Daǵystandaǵy pravoslavıe shirkeýi men sınagogaǵa lańkestik áreketter jasalyp, sonyń saldarynan din jáne quqyq qorǵaý organdary qyzmetkerleriniń qaza bolýyna baılanysty Reseı Prezıdenti Vladımır Pýtınge kóńil aıtty, dep habarlaıdy Almaty-akshamy.kz Aqordaǵa silteme jasap.
Memleket basshysy adamzatqa qarsy jasalǵan mundaı áreketti úzildi-kesildi aıyptaıdy, sondaı-aq, BUU, SHYU jáne basqa da bedeldi halyqaralyq uıymdar aıasynda lańkestikpen kúresý úshin kópjaqty yntymaqtastyqty damytýdy qoldaıdy.