Stend atýdan Qazaqstan quramasy Almatyda ótken reıtıńtik álem kýbogynda jalpy medaldyq esepte birinshi orynda aıaqtady.
Bul týraly QR Mádenıet jáne sport mınıstri Asqat Oralovtyń Telegram kanalynda jazdy, dep habarlaıdy Almaty-akshamy.kz.
«Jarystyń sońǵy kúninde mergenderimiz Marıa Dmıtrıenko men Vıktor Hasánov «trap / mıks» aralas jattyǵýynda altyn medal jeńip aldy.
Osylaısha, Qazaqstan jalpy esepte eki altyn jáne bir kúmis júldemen birinshi oryndy ıelendi. Esterińizge sala keteıin, buǵan deıin «skıt» jattyǵýynda altyn medaldi Ásem Orynbaı jeńip alǵan bolatyn. Sondaı-aq ol Edýard Eshenkomen birge bizdiń quramaǵa «skıt / mıks» jattyǵýynda kúmis júlde ákeldi.
Bul úlken jetistik, otandastarymyzdy jáne, sportshylarymyzdy jarqyn jeńispen quttyqtaımyn. Almatyda 40-tan astam elden 350 mergen jarysty, bizdiń jigitter men qyzdar úzdik atandy. Qazaqstan quramasy bıik shyńdardy baǵyndyrýdy jalǵastyrýda, men olarǵa bul nátıjemen toqtap qalmaı, jankúıerlerdi jańa jeńistermen qýantýlaryn tileımin.
Sondaı-aq Qazaqstan sporttyq atys federasıasynyń prezıdenti Berik Asylovty jeńispen quttyqtap, álem kýbogyn uıymdastyrǵany úshin alǵys aıtqym keledi», - dep jazdy mınıstr.