2023 jylǵy 1 shildeden bastap Áleýmettik kodeks aıasynda Biryńǵaı jınaqtaýshy zeınetaqy qorynda (budan ári – BJZQ) zeınetaqy jınaqtary bar eńbek sińirgen jyldary boıynsha zeınetkerlerge turǵyn úı jaǵdaılaryn jaqsartýǵa nemese emdelýge aqy tóleýge ózderiniń zeınetaqy jınaqtarynyń barlyq somasyn paıdalanýǵa quqyq beriledi.
QR Eńbek jáne halyqty áleýmettik qorǵaý mınıstrligi baspasóz qyzmetiniń habarlaýynsha, osy jyldyń 1 shildesinen bastap eńbek sińirgen jyldary boıynsha zeınetkerler www.enpf-otbasy.kz ınternet-platformasy arqyly BJZQ-da jınaqtalǵan qarajattaryn turǵyn úı jaǵdaılaryn jaqsartýǵa paıdalaný úshin birjolǵy zeınetaqy tólemderin alýǵa «Otbasy banki» turǵyn úı qurylys jınaq banki» AQ nemese ekinshi deńgeıdegi bankterge júgine alady, dep habarlaıdy Almaty-akshamy.kz.
Emdelý maqsatynda birjolǵy zeınetaqy tólemderin paıdalaný úshin joǵaryda kórsetilgen ınternet-platforma arqyly «Otbasy banki» turǵyn úı qurylys jınaq banki» AQ-ǵa ǵana júginý qajet.
Buǵan deıin 2021 jyldyń 1 qańtarynan bastap BJZQ azamattarǵa zeınetaqy jınaqtarynyń bir bóligin turǵyn úı jaǵdaıyn jaqsartý nemese emdelýge aqy tóleý sıaqty áleýmettik maqsattarǵa paıdalaný quqyǵy berilgenin esterińizge sala keteıik.
Kelesi sanattar osy quqyqty paıdalana alady:
1) BJZQ-da zeınetaqy jınaqtary bar jumys isteıtin azamattar. Olar «tómengi jetkiliktilik sheginen» asatyn somanyń bir bóligin paıdalana alady;
2) zeınetaqysy joǵalǵan tabys somasynyń (buryn alǵan jalaqysynyń) keminde 40%-yn quraıtyn zeınetkerler. Olar BJZQ-da qalǵan zeınetaqy jınaqtary somasynyń 50% deıin paıdalana alady;
3) ózine zeınetaqy anýıtetin resimdegen jáne áli de jınaqtary bar azamattar – BJZQ-da qalǵan zeınetaqy jınaqtarynyń somasy sheginde paıdalana alady.
Bul norma jumys isteıtin azamattardy da, zeınetkerlerdi de qamtıdy.