Koronavırýstyq ınfeksıany juqtyrǵannan keıin birneshe apta boıy qant dıabeti dıagnozyna tap bolý yqtımaldyǵy joǵarylaıdy.
London Koróldik kolejiniń ǵalymdary osyndaı tujyrymǵa keldi. COVID-19 naýqastarynda qant dıabeti jáne keıbir júrek-tamyr aýrýlary dıagnozynyń paıda bolý qaýpi joǵary, dep habarlaıdy Almaty-akshamy.kz COVID-19 taralýyna jol bermeý jónindegi VAK Telegram kanalyna silteme jasap.
Ulybrıtanıada júrgizilgen aýqymdy zertteý kórsetkendeı, bul qaýip alǵashqy ınfeksıa damyǵannan keıin birneshe apta boıy saqtalady. Máselen, arıtmıa jáne ókpe qan uıyǵyshtary sıaqty júrek pen qantúzý júıesi jumysynyń buzylý qaýpi koronavırýspen aýyratyn naýqastarda, aýyrmaǵandarmen salystyrǵanda 6 ese joǵary boldy. Bir jynystaǵy jáne jastaǵy adamdar salystyryldy. Zertteýshiler anyqtaǵandaı, bir aı ishinde koronavırýsty juqtyrǵannan keıin qant dıabetimen aýyrý yqtımaldyǵy 80%-ke artty. Olar 400 000-nan astam koronavırýs pasıentteriniń medısınalyq tarıhyn taldap, ınfeksıadan jaltarǵan adamdardyń densaýlyǵyn qadaǵalady. Barlyǵy kelesi 12 aıda júrek-tamyr aýrýlaryna, sondaı-aq qant dıabetine tekserildi.
Mıkronezıa Federaldy Shtattarynda koronavırýsty juqtyrýdyń alǵashqy jaǵdaılary tirkelgen. Kovıd juqtyrǵan naýqastar tórt aımaqtyń ekeýinde anyqtaldy. Bılik azamattardy kóp jınalmaýǵa, medısınalyq betperde taǵýǵa jáne vaksınasıa alýǵa shaqyrdy. Sheneýnikter Mıkronezıa aýmaǵynda kovıdtiń taralýyna qarsy is-qımyl josparyn ázirleýge, sondaı-aq memleket aýmaǵyna kelgen barlyq azamattar úshin karantındi uzartý týraly sheshim qabyldaýǵa nıetti. Osy ýaqytqa deıin Mıkronezıada koronavırýs ınfeksıasy anyqtalmaǵan bolatyn.