Turǵyndardan ótinish qabyldaý 20 shildede aıaqtaldy.
«Halyqtyń búdjetke qatysýy» baǵdarlamasyna ótinish qabyldaý kezeńi aıaqtaldy. Bıyl qala turǵyndarynan 1251 jobalyq usynys tústi. Ótken jylmen salystyrǵanda kelip túsken ótinishterdiń sany 33 paıyzǵa kóbeıgen, dep habarlaıdy Almaty-akshamy.kz.
2019 jyly Almaty ákimdigi Qazaqstanda alǵash ret «Halyqtyń búdjetke qatysýy» pılottyq jobasyn júzege asyrýdy bastaǵan bolatyn. Mundaǵy maqsat – turǵyndardyń óz usynystary men bastamalary negizinde qala aýdandaryn abattandyrý. 2019 jyly Almaty turǵyndarynan 333 usynys, 2020 jyly 795 ótinish túsken. 2021 jyly almatylyqtar 934 usynys jiberdi.
Osy jyldyń 1 maýsymynda Almatyda «Halyqtyń búdjetke qatysýy» baǵdarlamasy aıasynda 2023 jyly júzege asyrylýy josparlanǵan jobalyq usynystarǵa ótinish qabyldaý bastalǵan bolatyn. Turǵyndardan ótinish qabyldaý 20 shildede aıaqtaldy. Ótinish berý boıynsha kóshbasshylar: Alataý aýdany (204) jáne Almaly (171) aýdandary.
Almaty qalasynyń aýdandary boıynsha jobalyq usynystardyń sany:
|
№ |
Aýdan |
Sany |
|
1 |
Alataý aýdany |
204 |
|
2 |
Almaly aýdany |
171 |
|
3 |
Áýezov aýdany |
163 |
|
4 |
Bostandyq aýdany |
165 |
|
5 |
Jetisý aýdany |
127 |
|
6 |
Medeý aýdany |
128 |
|
7 |
Naýryzbaı aýdany |
129 |
|
8 |
Túrksib aýdany |
164 |
|
Jalpy qorytyndy |
1251 |
|
|
|
|
|
Turǵyndardan aýlalar men qoǵamdyq paıdalaný oryndaryn abattandyrý boıynsha usynystar kóp tústi. Olardyń ishinde sport jáne balalar alańdaryn ornatý-371, kúrkeler men oryndyqtar, qoqys jáshikterin ornatý jáne jóndeý – 324. Odan keıin saıabaqtar men gúlzarlardy jasaýǵa, jóndeýge, kóshe jaryǵyn ornatýǵa, trotýarlar salýǵa, kógaldandyrý men qoqys tastaıtyn jerlerdi joıýǵa baǵyttalǵan jobalar qamtylǵan.
Qazir baǵdarlamanyń 2 kezeńi bastaldy. 21 shilde men 12 tamyz aralyǵynda sarapshylar keńesi ótiniterdiń krıterıılerge sáıkestigin baǵalaýdy jáne aldyn ala ruqsat berý hattamasyn jarıalaýdy júrgizetin bolady. Jobalyq usynystardy pysyqtaý úshin avtorlarǵa 10 kúntizbelik kún beriledi. Kelip túsken ótinimder saraptamalyq irikteýden jáne jalpy qalalyq daýys berýden keıin 2023 jyly iske asyrylatyn bolady. Tolyǵyraq aqparat jobanyń saıtynda https://budget.open-almaty.kz.