Qazaqstannyń basym bóliginde aýa raıy jıi ózgeredi.
Taıaý kúnderi eldiń aýmaǵynyń basym bóliginde aýa raıy turaqsyz bolady, dep habarlaıdy Almaty-akshamy.kz.
Qar jaýyp, jaıaý burqasyn bolady, jeldiń ekpini 15-25 m/s deıin kúsheıedi. Elimizdiń ońtústik, ońtústik-shyǵysyndaǵy taýly aýdandarynda qalyń qar jaýyp, tuman basyp, kóktaıǵaq bolady.
Respýblıkanyń batysy men qıyr soltústiginde aýa raıy jaýyn-shashynsyz bolady. Sodan keıin Salehard aýdandarynan arktıkalyq sýyqtyń áserinen kún sýytady.
- elimizdiń batysynda túnde -13-23°C deıin, kúndiz -5-15°C deıin;
- soltústikte jáne ortalyqta túnde -25-33°C deıin, kúndiz -12-25°C deıin;
- shyǵysta túnde -25-37°C deıin, kúndiz -17-23°C deıin;
- ońtústikte jáne ońtústik-shyǵysta túnde -10-22°S deıin, kúndiz -3-13°S deıin.
Birinshi onkúndiktiń sońynda Skandınavıa aýdandarynan sıklon turaqsyz aýa raıyn týdyrady, eldiń soltústik-batys óńirlerinde, sodan keıin eldiń qalǵan aýmaǵynda aıazdyń álsireýine ákeledi.
Boljam boıynsha 2022 jylǵy jeltoqsannyń ekinshi jáne úshinshi onkúndikterinde Qazaqstannyń basym bóliginde aýa raıynyń jıi ózgeredi, aıazdy kúnder jyly kúndermen almasyp otyrady, sonymen birge qar jaýyp, burqasyn bolyp, ekpindi jel turady.
Eldiń ońtústik jartysynda jaýyn-shashyn kóbine jańbyr jáne jylbysqy qar túrinde bolady dep boljanady. Sondaı-aq, kóktaıǵaq bolyp, tuman basady.
Bir aı ishinde sıklondyq belsendiliktiń áserinen jyly kúnder de bolady. Al soltústik-batys antısıklonnyń áserinen jyly kúnderdi sýyq aýa raıy almastyryp otyrady. Osylaısha, jeltoqsan aıynda aýa temperatýrasynyń aýytqýy jıi bolady.
Eldiń soltústik jartysynda túnde -25-35°S-tan -5-13°S-qa deıin, kúndiz -15-25°S-tan 0 -5°S-qa deıin.
Ońtústik jartysynda túnde -17-23°S-tan -5+2°S-qa deıin, kúndiz -5-10°S-tan +3+10°S-qa deıin.
Jalpy, boljam boıynsha, jeltoqsan aıynda respýblıkanyń basym bóliginde ortasha aılyq aýa temperatýrasy norma shamasynda,respýblıkanyń qıyr batysynda, soltústiginde normadan 1° joǵary bolady.
Jeltoqsan aıynda jaýyn-shashyn mólsheri respýblıkanyń basym bóliginde normadan kóp, elimizdiń shyǵys bóliginiń basym aımaǵynda, ortalyqta, ońtústikte, ońtústik-shyǵysta norma shamasynda bolady dep boljanýda.