Atalǵan erejeler búkil elde qoldanylady.
Bılikke kelgen "Talıban" qozǵalysy tıisti qatań jarlyq shyǵardy, dep habarlaıdy Almaty-akshamy.kz Inbusiness.kz cilteme jasap.
Qatań shekteýlerge baılanysty áıelderge budan bylaı Kabýldaǵy saıabaqtarǵa barýǵa tyıym salyndy.
Osyǵan deıin áıelderge el astanasynda ornalasqan baseınder men sport zaldarǵa barýǵa tyıym salynǵan bolatyn. Atalǵan erejeler búkil elde qoldanylady dep kútilip otyrǵan kórinedi.
Talıban jańa shekteýler engizgen saıyn aýǵan áıelderi men qyzdaryn budan ári ne bolýy múmkin degen saýal alańdatady.
Keıbiri bul sharalar eldiń kóp bóligine áser etpeıdi deıdi.
"Talıban kelgenge deıin orta mektepti aıaqtaǵanyma qýanamyn. Biraq endi ýnıversıtetterdiń esigi áıelder úshin de jabyq bolýy múmkin dep qorqamyn. Ondaı bolǵan kúni armandarymnyń kúl-talqany shyǵady", - dedi stýdent qyzdardyń biri.
Belsendi Leıla Basım áıelderge qatysty shekteýler týraly óz oıyn bildirdi.
"Biz aıyrylyp qalǵan erkindik týraly oılaıtyn bolsam, kóńilime qaıaý túsedi. Ózge elder Marsty ıgerip jatqanda, biz áli de negizgi quqyqtar úshin kúresýdemiz", - dedi ol.
Aıta ketý kerek, talıbter Aýǵanstannyń bıligin 2021 jyldyń tamyz aıynda basyp alǵan bolatyn.