Júrgizip jatqan jumystary týraly aıtyldy.
Memleket basshysy Qasym-Jomart Toqaev shveısarıalyq «Roche Holding AG» farmasevtıkalyq konserniniń basqarma tóraǵasy Krıstof Fransty qabyldady, dep habarlaıdy Almaty-akshamy.kz Aqordanyń baspasóz qyzmetine silteme jasap.
Prezıdentke elimizde qaterli isikke qarsy ınovasıalyq dári óndirisin ashý jobasynyń júzege asyrylý barysy týraly aqparat berildi.
Tıisti kelisimge búgin Qazaqstannyń Densaýlyq saqtaý mınıstrligi men «Roche Holding AG» kompanıasy arasynda qol qoıyldy. Krıstof Frans Prezıdentke qaterli isikti anyqtaýdyń ınovasıalyq tásilderin ıgerýge qatysty Qazaq onkologıa jáne radıologıa ǵylymı-zertteý ınstıtýtymen birlese júrgizip jatqan jumystary týraly aıtty.
Sonymen qatar kelesi jyly kompanıanyń qoldaýymen Nazarbaev Ýnıversıteti Medısına mektebiniń bazasynda jergilikti mamandardyń biliktiligin arttyrýǵa arnalǵan zerthanalyq dıagnostıkalyq trenıń-ortalyǵyn ashý josparlanyp otyr.
Sondaı-aq kezdesýde Qazaqstanda medısına ǵylymyn damytý máselesi de talqylandy.