Sheteldik basylymda qazaqstandyq ánshi týraly jazyldy
2022 jylǵy 26 naýryzda Chılıdiń eń bedeldi El Mercurio gazetteriniń birinde Dımash Qudaıbergen týraly jarıalanym shyqty. Materıalda ánshiniń vokaldyq dıapazony jáne onyń mýzyka álemine áseri týraly aıtylǵan, dep habarlaıdy Almaty-akshamy.kz Dimashnews.com saıtyna silteme jasap.
Merkýrıı gazeti (El Mercurio) – Chılıdegi eń bedeldi jáne kóne gazetterdiń biri. Basylymnyń alǵashqy nómiri 1827 jyly 12 qyrkúıekte Valparaıso qalasynda jaryq kórdi. Keıinirek, 1900 jyly 1 maýsymda, gazet Santágoda da shyǵa bastady.
Qazirgi ýaqytta «Merkýrıı» kúndelikti ıspan tilinde shyǵarylady jáne Santágo qalasynda eń kóp satylymǵa ıe. Gazet «El Mercurio» aksıonerlik jańalyqtar kompanıasyna tıesili, ol búkil el boıynsha 19 aımaqtyq kúndelikti basylymdar men 32 radıostansıalar jelisin basqarady.
26 naýryzda «Merkýrııde” “Dımash Qudaıbergen - óziniń keń vokaldyq dıapazonymen tań qaldyratyn ánshi» degen taqyryppen úlken materıal jarıalandy.
Basylymda oqyrmanǵa qazaqstandyq oryndaýshynyń shyǵarmashylyq joly, onyń tańǵajaıyp vokaldyq qabiletteri men pandemıadan keıin bastalǵan konserttik týr týraly aıtylady.
«Dımash shyǵarmashylyǵynyń Ońtústik Amerıkada taralýy óz jemisin beretinine biz óte qýanyshtymyz! Biz árqashan Dimash Latin Dears fan-klýbynyń atynan kóptegen is-sharalar ótkizemiz. 2023 jyly Chılıde «Vıná-del-Mar» ániniń eń úlken festıvali ótedi. Tvıtterdegi paraqshasynda is-sharany uıymdastyrýshylar kórermenderdiń festıvál sahnasynda kimdi kórgisi keletinin suraıdy. Árıne, bizdiń eń úlken armanymyz – onda Dımashty kórý!» - dep bólisti Dimash Latin Dears fan-klýbynyń ákimshileri.