Eksportqa jóneltýdiń aı saıynǵy kólemi shamamen 600 myń tonnany quraıdy.
Tıep-jóneltý kólemi Úkimet belgilegen lımıtten asqanǵa deıin Qazaqstan astyq eksportyn shektemeıtin bolady. Osydan keıin tolyq tyıym salynady. Lımıt mólsheri áli anyqtalǵan joq, dep habarlaıdy Almaty-akshamy.kz Eldala.kz silteme jasap.
Ótken aptada QR Aýyl sharýashylyǵy mınıstrligi geosaıası jaǵdaıdyń shıelenisýi men azyq-túlik daǵdarysy jaǵdaıynda elden astyq júkteri eksportynyń ósý qaýpi týraly habarlady. İs-qımyldyń úsh nusqasy usynyldy - eksporttyq baj salyǵyn engizý, eksporttyq kvotalardy belgileý, tolyq tyıym salý.
Alaıda, jóneltimderdiń aǵymdaǵy dınamıkasyna jáne qolda bar astyq pen un qoryna súıene otyryp, shekteýler engizýge áli negiz joq degen sheshim qabyldandy. Úkimet jaǵdaıdy baqylaýdy jalǵastyrady jáne qajet bolǵan jaǵdaıda ǵana aralasady.
Esterińizge sala keteıik, statısıka málimetteri boıynsha, naýryz aıynyń basynda Qazaqstanda 9,1 mln tonna dándi jáne dándi-burshaqty daqyldar, onyń ishinde 6 mln tonna azyq-túlik bıdaıy, sonymen qatar, 144 myń tonnadan astam un bolǵan. Astyq ekvıvalentindegi astyq pen undy eksportqa jóneltýdiń aı saıynǵy kólemi shamamen 600 myń tonnany quraıdy. Elimizdiń azyq-túliktik bıdaıǵa jańa eginge deıingi (ıaǵnı qyrkúıekke deıingi) qajettiligi - 1 mln tonna.